Golf 4Business – უძველესი სპორტის სახეობის უნიკალური პროექტი რეგიონებისიახლეები დამატების თარიღი 26 სექტემბერი, 2022 17 საქართველოს სამოყვარულო გოლფის ფედერაციის და Ambassadori Kachreti Golf Resort ს ორგანიზებით, კომპანიების Askaneli Brothers, Reforma Construction Management, World Class ს მხარდაჭერით საფუძველი ჩაეყარა გოლფის პოპულარიზაციის და ბიზნეს ნეტვორკინგის უნიკალურ ფორმატს, Golf 4Business ს, რომლის პირველი, საპრეზენტაციო ივენთი 24 სექტემბერს Ambassadori Kachreti Golf Resort ს შესანიშნავ გარემოში გაიმართა. მასტერკლასი პროფესიონალი მწვრთნელებისგან, ვატო შენგელიამ და სტივენ ფრაგამ მონაწილეებს გოლფის საფუძველი გააცნეს, შემდეგ იყო აზარტული ტურნირი მინი გოლფში და სამახსოვრო საჩუქრები და პრიზები ტურნირის პარტნიორებისგან. ზურაბ ბოქოლიშვილი, საქართველოს სამოყვარულო გოლფის ფედერაციის პრეზიდენტი: გოლფი და ბიზნესი ძალიან ლოგიკურად და უკვე დიდი ხანია ერთმანეთთან ასოცირდება, ჩვენი მიზანია უფრო მეტი ადამიანი, კომპანია ჩავრთოთ სპორტის ამ შესანიშნავ სახეობაში და მაქსიმალურად გამოვიყენოთ გოლფის პოტენციალი ბიზნესის და ზოგადად ეკონომიკის განვითარებისთვის. ოლეგ ვლასიუკი, Ovi Engineering დამფუძნებელი: „დიდი პრივილეგია იყო გავმხდარიყავი ასეთ მაღალ პროფესიონალურ დონეზე ორგანიზებული ღონისძიების ნაწილი, სადაც მომეცა ღირებული შესაძლებლობა ახალი საქმიანი კავშირების დასამყარებლად სპორტულ, მეგობრულ და მშვიდ ატმოსფეროში. მინდა ჩემი გულწრფელი მადლიერება გამოვხატო ბატონ ზურაბ ბოქოლიშვილის მიმართ ამ დაუვიწყარი გამოცდილებისთვის, რითაც ის ხელს უწყობს დამაკავშირებელი ხიდების ჩამოყალიბებას ბიზნესის სხვადასხვა სფეროებს შორის. აღნიშნულ ღონისძიებაზე დაემთხვა, რომ გავხდი სამოყვარულო მინიგოლფის ტურნირის გამარჯვებული და ჩემთვის გასაოცარი იყო იმ ფაქტის აღმოჩენა, რომ არსებობს სპორტული მიღწევების გზა არა მხოლოდ პროფესიონალებისთვის, არამედ მოყვარულებისთვისაც. საქართველოს ბიზნეს-საზოგადოების ყველა წარმომადგენელს რეკომენდაციას ვუწევ, რომ სპორტული გამარჯვების ან სულ მცირე, ამ სპორტულ ღონისძიებაში მონაწილეობის მიღების გემოს გასაგებად მიიღონ მონაწილეობა GOLF4BUSINESS-ის ასოციაციის მიერ ორგანიზებულ გოლფის სათამაშო ტურნირებში“