წყალტუბოს საბავშვო ბაღების პერსონალისთვის პროექტი “ჰარმონიული გარემო პატარებისათვის” ხორციელდება

წყალტუბოს მუნიციპლიტეტში მოქმედი საბავშვო ბაღების პერსონალისთვის ხორციელდება ადგილობრივი თვითმმართველობისა და კულტურულ ჰუმანიტარული ფონდის „სოხუმის“ ერთობლივი პროექტი „ჰარმონიული გარემო პატარებისათვის“. სწავლების თემა – გენდერი და ძალადობა გენდერული ნიშნით. 

სწავლება ხუთი თვის განმავლობაში მიმდინარეობდა და მონაწილეებს სერთიფიკატები გადაეცათ. 

ამჯერად შეხვედრა სოფლების საყულიას, გეგუთის პატრიკეთის, ტყაჩირის, ოფშკვითის, გუმბრინის, ოფურჩხეთის, რიონი და ცხუნკურის საბავშვო ბაღების პედაგოგებისთვის ჩატარდა. შეხვედრაზე ტრენერმა ლალი შენგელიამ ისაუბრა პედაგოგიკურ მიდგომაზე გენდერული კუთხით, ძალადობის აღმოფხვრაზე და ბულინგზე. 

შეხვედრას ესწრებოდა ფონდი "სოხუმიდან" პროექტის ხელმძღვანელი ზაირა კოპალიანი და წყალტუბოს მუნიციპალიტეტის მერიიდან გენდერული საბჭოს წევრი ირმა ხელაძე.