შავი და აზოვის ზღვების ქვეყნების შეხვედრაზე საზღვაო საზღვრების დელიმიტაცია განიხილეს აჭარის ავტონომიური რესპუბლიკა დამატების თარიღი 8 მაისი, 2018 204 საქართველოს ეკონომიკისა და მდგრადი განვითარების სამინისტროს სსიპ ,,საქართველოს სახელმწიფო ჰიდროგრაფიული სამსახური“-ს დელეგაციამ შავი და აზოვის ზღვების სამუშაო ჯგუფის (BASWG – 2018) შეხვედრაზე მიიღო მონაწილეობა, რომელიც რუმინეთში, ქალაქ კონსტანცაში გაიმართა. შეხვედრის ფარგლებში განხილულ იქნა შავი ზღვის აუზის ქვეყნების ჰიდროგრაფიული სამსახურების ურთიერთანამშრომლობასა და კოორდინაციასთან დაკავშირებული თემები, ასევე მოსაზღვრე ქვეყნებს შორის საზღვაო საზღვრების დელიმიტაციის საკითხები. საერთაშორისო ჰიდროგრაფიული ორგანიზაციის ეგიდით ზემოაღნიშნული შეხვედრები ყოველ ორ წელიწადში ერთხელ იმართება. აღსანიშნავია , რომ საქართველომ შავი და აზოვის ზღვის ქვეყნების მუშა ჯგუფის შეხვედრას (BASGW) 2015 წელს უმასპინძლა.