ფოთში ნაბადის უბანში საბავშვო ბაღის შენობა გაქურდეს ფოთი დამატების თარიღი 12 აპრილი, 2018 257 ფოთში გუშინ გვიან ღამით ნაბადის უბანში მდებარე მე-3 საბავშვო ბაღი გაქურდეს. წაღებულია მუსიკალური ტექნიკა. როგორც პედაგოგებმა „აიპრესთან“ განაცხადეს, კარები დაზიანებული არ არის, დაუდგენელმა პირებმა შენობაში სავარაუდოდ ფანჯრიდან შეაღწიეს. ადგილზე ამ დრომდე სამართალდამცველები იმყოფებიან. შშს-ს პრესცენტრის ინფორმაციით მომხდარ ფაქტზე გამოძიება სისხლის სამართლის კოდექსის 177-ე მუხლით მიმდინარეობს, რაც ქურდობას გულისხმობს.