ფოთის ხელბურთელ გოგონათა გუნდი მსოფლიო სასკოლო ჩემპიონატზე მიიღებს მონაწილეობას ფოთი დამატების თარიღი 20 თებერვალი, 2018 234 ფოთის მეორე საჯარო სკოლის ხელბურთელ გოგონათა გუნდი "კოლხები" მსოფლიო სასკოლო ჩემპიონატზე მიიღებს მონაწილეობას, რომელიც კატარის დედაქალაქში დოჰაში გაიმართება. „კოლხები“ საქართველოს ჩემპიონატის ორგზის გამარჯვებულია და მსოფლიო სასკოლო ჩემპიონატის საგზური პირველებმა მოიპოვეს. გამგზავრებამდე გუნდის წევრებსა და მწვრთნელს დარეჯან გეფერიძეს ქალაქის მერი გოჩა კურდღელია და საკრებულოს თავმჯდომარის მოადგილე აკაკი დარჯანია შეხვდნენ. მათ გოგონებს წარმატებული ასპარეზობა უსურვეს. დოჰაში სასკოლო მსოფლიო ჩემპიონატი 21 თებერვალს დაიწყება და 1 მარტს დასრულდება. მასში 60 ქვეყნის წარმომადგენელი იასპარეზებს. ფოთის მეორე საჯარო სკოლის გუნდი საფრანგეთის, დანიისა და ხორვატიის გუნდებს დაუპირისპირდება.