სიღნაღის მუნიციპალიტეტში შშმ პირებს ეტლები გადასცეს

1 მაისს, საერთაშორისო ასოციაცია „საქართველოს ქალები მშვიდობისა და სიცოცხლისათვის“ თავმჯდომარე მაია კვეზერელი და ორგანიზაციის თანამშრომლები, სიღნაღის მუნიციპალიტეტს ესტუმრნენ. ორგანიზაციის წევრები სიღნაღის მუნიციპალიტეტის მერს გიორგი გოგილაშვილს შეხვდნენ და საქველმოქმედო პროექტი გააცნეს.

საერთაშორისო ასოციაციამ „საქართველოს ქალები მშიდობისა და სიცოცხლისათვის“, ადგილობრივი თვითმმართველობის წარმომადგენლებთან ერთად, სიღნაღის მუნიციპალიტეტში მცხოვრებ შეზღუდული შესაძლებლობების მქონე ოცდასამ პირს, ეტლები გადასცა. 

ასოციაცია „საქართველოს ქალები მშვიდობისა და სიცოცხლისათვის“ 1992 წელს დაარსდა. ორგანიზაციის ძირითად საქმიანობას ქველმოქმედება წარმოადგენს, რომელიც, ძირითადად, მიმართულია სოციალურად დაუცველი და შშმ პირთა დახმარებისკენ, როგორც ბავშვებში, ასევე-მოზრდილებში.