სამტრედიის მერმა საველოსიპედო სპორტის მიმდევარს ნოდარ ბერიძეს უმასპინძლა სამტრედიის მუნიციპალიტეტი დამატების თარიღი 26 აპრილი, 2018 462 დღეს, 20 აპრილს, სამტრედიის მუნიციპალიტეტის მერმა ვალერიანე ფოცხვერიამ და ადგილობრივი ხელისუფლების წარმომადგენლებმა, პროექტ „ევროგარბენი მშვიდობის გზის“ ერთ-ერთ ორგანიზატორს, საველოსიპედო სპორტის მიმდევარს ნოდარ ბერიძეს უმასპინძლეს. ნოდარ ბერიძე გახლდათ ცნობილი სამტრედიელი ველოსიპედისტის ჯუმბერ ლეჟავას მენეჯერი და პატრიარქის კურთხევით აგრძელებს მის გზას. "ამ ეტაპზე გავიარე ვლადიკავკაზი, ევრაზიის კონტინენტი, გადმოვფრინდი სტამბულში და შემოვედი ახალციხიდან საქარველოში. ახლა სამტრედიაში ვიმყოფები და დიდ მადლობას გადავუხდი ადგილობრივ ხელისუფლებას მიღებისათვის. სამტრედია არის ე.წ. „ველოსიპედისტების დედაქალაქი“. ახლა მოვივლი მთელს საქართველოს და 26 მაისს ჩავალ თბილისში. ძირითადი მისია ჩემი მოგზაურობისა არის მშვიდობა და კეთილმეზობლური ურთიერთობის პროპაგანდა, სპორტისა და ჯანსაღი ცხოვრების პოპულარიზაცია“- აღნიშნა ნოდარ ბერიძემ.