თუშეთის საავტომობილო გზაზე მეწყერი დაახლოებით ერთი კილომეტრის ტერიტორიაზეა ჩამოწოლილი კახეთის მხარე დამატების თარიღი 15 მაისი, 2018 287 თუშეთის საავტომობილო გზაზე მეწყერი დაახლოებით ერთი კილომეტრის ტერიტორიაზეა ჩამოწოლილი – ამის შესახებ ინფორმაცია "აიპრესს" ახმეტის გამგებლის მოადგილემ, ვაჟა ნასყიდაშვილმა მიაწოდა. მისივე ინფორმაციით, ადგილზე მობილიზებულია სპეციალური ტექნიკა და მიმდინარეობს გზის ნაშალისგან გაწმენდის სამუშაოები. "საკმაოდ ფორსმაჟორული სიტუაციაა. გასულ წელთან შედარებით, წელს ამ ადგილას ორჯერ დიდი მეწყერია ჩამოწოლილი . საგზაო დეპარტამენტის წარმომადგენლები უკვე იმყოფებოდნენ ადგილზე და გარკვეული საპროექტო სამუშაოები ჩაატარეს. რაც შეეხება თუშეთის გზის მოვლა-პატრონობაზე პასუხისმგებელ კომპანიას, მან გზის გაწმენდის სამუშაოები პირნათლად, დათქმულ ვადებში შეასრულა, თუმცა ამხელა მასისგან ტერიტორიის გასუფთავება გაცილებით დიდ ხარჯებს მოითხოვს და შესაძლოა დამეწყრილი ტერიტორიის გაწმენდის სამუშაოებში რამდენიმე კომპანია ჩაერთოს.“- განაცხადა "აიპრესთან" საუბრისას ვაჟა ნასყიდაშვილმა. ახმეტის მუნიციპალიტეტის გამგეობაში ჯერჯერობით ვერ ასახელებენ სავარაუდო დროს, როდისთვის მოხერხდება გზის გახსნა და თუშეთში ტურისტული სეზონის დაწყება.