თეონა ბერიძე საერთაშორისო ფესტივალი “ოქროს დელფინი”-ს მონაწილეებს შეხვდა

აჭარის განათლების, კულტურისა და სპორტის მინისტრის მოადგილე თეონა ბერიძე და კულტურის დეპარტამენტის უფროსი თეა ჭანტურიშვილი საერთაშორისო ფესტივალ-კონკურს „ოქროს დელფინი-ხელოვნება მსოფლიოს ირგვლივ-2018“-ში მონაწილე ანსამბლების წარმომადგენლებს შეხვდნენ.

ფესტივალის მიზანია ქალაქის კულტურული ცხოვრების გამრავალფეროვნება და აჭარის რეგიონის, ქართული ფოლკლორისა და ეროვნული კულტურის პოპულარიზაცია. „ოქროს დელფინი-ხელოვნება მსოფლიოს ირგვლივ-2018“ 25 მაისს საზეიმოდ გაიხსნება და სამი დღის განმავლობაში გაგრძელდება. ფესტივალი აჭარის განათლების, კულტურისა და სპორტის სამინისტროს მხარდაჭერით გაიმართა. ფესტივალის მონაწილეები 26 მაისს, საქართველოს დამოუკიდებლობის დღისადმი მიძღვნილ საზეიმო მსვლელობაშიც მიიღებენ მონაწილეობას. ღონისძიების ბოლოს ფესტივალისა და სამინისტროს წარმომადგენლებმა სამახსოვრო საჩუქრები გაცვალეს.