თელავის მერია მზადაა ბიუჯეტში კორექტირება გუშინ მომხდარი სტიქიის გათვალისწინებით მოხდეს თელავი დამატების თარიღი 11 იანვარი, 2018 450 გასულ ღამეს თელავის მუნიციპალიტეტში მომხდარ სტიქიასთან დაკავშირებით მერია განცხადებას ავრცელებს. "სტიქიის შედეგად დაზიანდა მუნიციპალიტეტის ტერიტორიაზე არსებული შენობა ნაგებობების (მრავალსართულიანი კორპუსი, კერძო სახლი, საჯარო დაწესებულება) სახურავები საერთო ფართით 4416 კვ.მ., (პირველადი დათვლებით). მუნიციპალიტეტის 2018 წლის ბიუჯეტის საკრებულოს რიგგარეშე სხდომაზე გატანა და დამტკიცება მოხდა არსებული გადაუდებელი აუცილებლობიდან გამომდინარე. თელავის მუნიციპალიტეტის მერია მზად არის როგორც საკრებულოს კომისიებთან და ფრაქციებთან, ასევე მოსახლეობის ჩართულობით გაგრძელდეს ბიუჯეტის კორექტირებაზე მუშაობა, რათა საბოლოო სახით მთავარი საფინანსო დოკუმენტის მიღება მოხდეს ყოველივე ზემოაღნიშნულის გათვალისწინებით"- ნათქვამია განცხადებაში.