ზუგდიდში დაკავებულ 4 მძღოლს 3 000 ლარიანი გირაო შეეფარდა ზუგდიდი დამატების თარიღი 8 მაისი, 2018 223 ზუგდიდის რაიონულმა სასამართლომ, მოსამართლე ნატრული აკობია, პროკურორი ილია ტორუა, ადვოკატები სოსო ჯანაშია და იზა შანავა, იმსჯელა 5 დაკავებული მძღოლისთვის აღმკვეთი ღონისძიების შეფარდებაზე. მოსამართლე ნატრული აკობიამ ნაწილობრივ დააკმაყოფილა პროკურატურის შუამდგომლობა და ოთხ ბრალდებულს: კალისტრატე ეხვაიას, ალექსი ძერიას, ბაჩუკი მიქავას და საშა ქირიას აღმკვეთ ღონისძიებად 3000 ლარიანი გირაო შეეფარდათ. გირაოს გადახდის ვადა 20 დღე და გადახდამდე რჩებიან პენიტენციალურ სისტემაში. მათ პროკურატურამ ორი მუხლით წაუყენა ბრალი 239- ე მუხლის მეორე ნაწილი ( ჯგუფური ხულიგნობა) და 150 -ე მუხლის მეორე ნაწილი ( იძულება). რაც შეეხება მეხუთე ბრალდებულს, გია ახალაიას პროკურატურა მას მხოლოდ 159-ე მუხლის მეორე ნაწილით ჩადენილ დანაშაულში სდებს ბრალს, მას 2000 ლარიანი გირაო შეეფარდა. დაკავებულები ბრალს არ აღიარებენ და აცხადებენ, რომ უდანაშაულო არიან.როგორც დაკავებულების ადვოკატმა სოსო ჯანაშიამ ჟურნალისტებს განუცხადა, ისინი ამ გადაწყვეტილების გასაჩივრებას არ აპირებენ. ზუგდიდის საქალაქთაშორისო ავტობუსების და მიკროელემენტების 5 მძღოლი 5 მაისს გამთენიისას დააკავეს. საქმე ეხება ავტოსადგურ "დაკა- ჯორჯიას" თანამშრომლებთან მომხდარ ინციდენტს. მძღოლები რამდენიმე დღის განმავლობაში იყვნენ გაფიცულები და საპროტესტო აქციებს მართავდნენ მოთხოვნით, ხელისუფლებამ აკრძალოს არალიცენზირებული ავტოსადგურების ფუნქციონირება.