გურჯაანში, სოფელ შაშიანში tbc pay-ის აპარატი გატეხეს და ფული მოიპარეს გურჯაანის მუნიციპალიტეტი დამატების თარიღი 4 მაისი, 2018 729 ქურდობა მოხდა კახეთში. გურჯაანის მუნიციპალიტეტის სოფელ შაშიანში სუპერმარკეტში tbc pay- ის აპარატი გატეხეს და ფული მოიპარეს. შემთხვევის შესახებ მაღაზიის მეპატრონემ დღეს დილით შეიტყო, როდესაც შენობის კარი და გისოსი გატეხილი დახვდა. რა რაოდენობის თანხაა წაღებული, ამ დროისთვის უცნობია. შემთხვევის ადგილზე სამართალდამცავები მუშაობენ. შინაგან საქმეთა სამინისტროს ინფორმაციით, მომხდარზე გამოძიება 177-ე მუხლით დაიწყო, რაც ქურდობას გულისხმობს. დანაშაული სამიდან ხუთ წლამდე პატიმრობას ითვალისწინებს.