გურჯაანში, საჯარო სკოლებს შორის “მხიარული სტარტები” გაიმართა გურჯაანის მუნიციპალიტეტი დამატების თარიღი 8 მაისი, 2018 359 გურჯაანის სპორტკომპლექსში, გურჯაანის მუნიციპალიტეტის მერიის კულტურის, განათლების, სპორტის და ახალგაზრდულ საქმეთა სამსახურის ორგანიზებით და გურჯაანის საგანმანათლებლო რესურსცენტრის მხარდაჭერით, საჯარო სკოლებს შორის „მხიარული სტარტები“ გაიმართა. ტურნირში ხუთმა საჯარო სკოლის გუნდმა მიიღო მონაწილეობა – ქ.გურჯაანის #1 საჯარო სკოლა "პირველები", ქ.გურჯაანის მე-4 საჯარო სკოლა "გიმნაზია," ქ. გურჯაანის მე-2 საჯარო სკოლა "ჩემპიონები," სოფელ გურჯაანის საჯარო სკოლა "Ge school" და სოფელ ჩუმლაყის საჯარო სკოლა "ორბი." ფინალი სოფელ ჩუმლაყის და სოფელ გურჯაანის საჯარო სკოლებს შორის გაიმართა. „მხიარული სტარტების“ გამარჯვებული სოფელ გურჯაანის საჯარო სკოლის გუნდი "Ge school" გახდა, რომელსაც გურჯაანის მუნიციპალიტეტის მერიის მიერ დაწესებული თასი გადაეცა.