გურჯაანში აზიური ფაროსანას წინააღმდეგ ბრძოლის გზებზე შეხვედრა გაიმართა გურჯაანის მუნიციპალიტეტი დამატების თარიღი 9 მარტი, 2018 374 სურსათის ეროვნული სააგენტოს უფროსის მოადგილემ ზურაბ ლიპარტიამ და სურსათის ეროვნული სააგენტოს კახეთის სამმართველოს უფროსმა კობა ჩიკვაიძემ, გურჯაანის მუნიციპალიტეტის თვითმმართველობის ადმინისტრაციულ შენობაში შეხვედრა გამართეს, რომლის ფარგლებშიც ისაუბრეს აზიური ფაროსანას წინააღმდეგ ბრძოლის სპეციალურ სახელმწიფო პროგრამაზე, მავნებლის წინააღმდეგ ბრძოლის გზებზე და სტრატეგიაზე. შეხვედრას გურჯაანის მუნიციპალიტეტის მერი არჩილ ხანდამაშვილი და მერის მოადგილე ნიკოლოზ გეთიაშვილი დაესწრნენ. ამის შესახებ ინფორმაციას გურჯაანის მუნიციპალიტეტი ავრცელებს.