გორში საცხოვრებელ კორპუსებში დაგეგმილი 32 ინფრასტრუქტურული პროექტიდან 15 დასრულდა გორი დამატების თარიღი 13 ოქტომბერი, 2017 397 2017 წელს მრავალბინიან საცხოვრებელ კორპუსებში დაგეგმილ 32 ინფრასტრუქტურულ პროექტს შორის 15 უკვე დასრულდა, ხოლო 17 მიმდინარებს. სამუშაოები, რომლის საერთო ღირებულებამ 248 550 ლარი შეადგინა, გორის მერიამ 218 316 ლარით დააფინანსა. ქალაქ გორის მუნიციპალიტეტის ბინათმესაუთრეთა ამხანაგობების ინფრასტრუქტურლული პროექტების თანადაფინანსების პროგრამის ფარგლებში ხორციელდება სახურავების გადახურვა, ეზოს მოასფალტება, სასმელი წყლის, საკანალიზაციო სისტემების, ლიფტებისა და სადარბაზოების რეაბილიტაცია, საწვიმარი მილებისა და კარ-ფანჯრების გამოცვლა დაა.შ. ამხანაგობების წევრები აღნიშნავენ, რომ მუნიციპალიტეტის თანადაფინანსების პროგრამის გარეშე ისინი მსგავსი ინფრასტრუქტურული პროექტების განხორციელებასა და საყოფაცხოვრებო პირობების გაუმჯობესებას ვერ შეძლებდნენ. მუნიციპალიტეტის თანადაფინანსების წილი 80%-90%-ია. აღსანიშნავია, რომ ამხანაგობების სოციალურად დაუცველი წევრების ფინანსური წილი 100%-ით ფინანსდება ადგილობრივი ბიუჯეტიდან. გარდა ამისა, რომლებსაც არ აქვთ პროექტის ფინანსური მხარდაჭერის საშუალება, შრომით საქმიანობაში იღებენ მონაწილეობას. მუნიციპალიტეტში განმარტავენ, რომ თანადაფინანსების პროგრამა მუნიციპალიტეტისთვის საუკეთესო საშუალებაა, რითაც პრივატიზებული მრავალბინიანი საცხოვრებელი კორპუსების კანონიერად დახმარებაა შესაძლებელი. მათივე განცხადებით, ეს არის ადგილობრივი თვითმმართველობისა და მოქალაქეების თანამშრომლობის კარგი ფორმა – მოქალაქეთა აქტიური ჩართულობითა და მინიმალური ფინანსური თანამონაწილეობით განხორციელდეს პატარ-პატარა პროექტები მათივე საყოფაცხოვრებო პირობების გასაუმჯობესებლად. ამასთანავე, თანამონაწილეობა ამაღლებს მოსახლეობის პასუხისმგებლობასაც, რომ უფრო მეტად მოუფრთხილდნენ საერთო საკუთრებას. აღნიშნული პროგრამის ფარგლებში 2015 – 2016 წლებში 58 პროექტი განხორციელდა.