გიორგი გოგილაშვილმა კურდამთავრებულებს სკოლის დამთავრება მიულოცა

სიღნაღის მუნიციპალიტეტის საჯარო და კერძო სკოლებში წელს 297 მეთორმეტეკლასელისთვის დაირეკა ბოლო ზარი. მათ სკოლის დამთავრება სხვადასხვა ღონისძიებით აღნიშნეს.

სიღნაღის მუნიციპალიტეტის მერი გიორგი გოგილაშვილი, მერის მოადგილე თემურ ბალარჯიშვილი სიღნაღის საჯარო სკოლას ესტუმრნენ და მოსწავლეებს სკოლის დამთავრება მიულოცეს.

გიორგი გოგილაშვილმა მეთორმეტეკლასელებს მიმართა : „ძალიან მიხარია, რომ დღეს იმ სკოლაში ვარ სტუმრად, რომელშიც ვსწავლობდი. „ბოლო ზარი“ ერთდროულად სიხარულსა და ცრემლებთან არის დაკავშირებული. თქვენ ცხოვრების ახალ ეტაპზე გადადიხართ. მინდა, მოგილოცოთ დღევანდელი დღე და წარმატება და წინსვლა გისურვოთ. მთავარია, კარგი ადამიანები გამოხვიდეთ და თქვენი საქმითა და ცოდნით ემსახუროთ საკუთარ სამშობლოს. მჯერა, რომ თითოეული თქვენგანი ღირსეულ ადგილს დაიკავებს საზოგადოებაში.“