აჭარის განათლების სამინისტრომ საჯარო ლექციების ორგანიზებისათვის ტენდერი გამოაცხადა

აჭარის ავტონომიური რესპუბლიკის განათლების, კულტურისა და სპორტის სამინისტრო ახორციელებს "უმაღლესი განათლების ხელშეწყობის" ქვეპროგრამას, რომლის ფარგლებშიც დაგეგმილია შემდეგი საჯარო ლექციების ორგანიზება:

თომას ჰილანდ ერიქსენი – ანთროპოლოგიის დოქტორი, ოსლოს უნივერსიტეტის სოციალური ანთროპოლოგიის პროფესორი. საჯარო ლექცია თემაზე: სოციალური ანთროპოლოგია – თანამედროვე პრობლემები, გლობალიზაცია და იდენტობა;
თამარ გაგოშიძე – ფსიქოლოგიის მეცნიერებათა დოქტორი, სსიპ ივანე ჯავახიშვილის სახელობის თბილისის სახელმწიფო უნივერსიტეტის პროფესორი, ფსიქოლოგიისა და განათლების მეცნიერებათა ფაკულტეტის დეკანი. საჯარო ლექცია თემაზე: კომპიუტერული ტექნოლოგიები, განვითარება და შემეცნება;
მანუჩარ შერვაშიძე – მაგისტრი, ბათუმის ილია ჭავჭავაძის სახელობის სახელმწიფო დრამატული თეატრის მსახიობი. საჯარო ლექცია თემაზე: „მანუჩარ შერვაშიძის მოღვაწეობა თეატრსა და კინოში“.
2018 წლის 13 აგვისტოს "უმაღლესი განათლების ხელშეწყობის" ქვეპროგრამის ფარგლებში საჯარო ლექციების ორგანიზების მიზნით გამოცხადდა ელექტრონული ტენდერი. ტენდერის პირობების გასაცნობად გადადით ლინკზე: www.spa.ge. სატენდერო განაცხადის ნომერია NAT 180012687.

წინადადებების მიღება იწყება 21.08.2018, 00:00 სთ. წინადადებების მიღება მთავრდება 24.08.2018 12:00 სთ.

შესყიდვის სავარაუდო ღირებულებაა 6323 ლარი (დღგ-ს ჩათვლით).